A Cámara de Comercio acollerá o mércores, 1 de marzo, unha  xornada de presentación dos cursos que ao longo do mesmo mes impartirá sobre contabilidade, xestión laboral e fiscalidade. Os programas serán fundamentalmente prácticos, de modo que salvo algúns aspectos concretos os asistentes non precisarán coñecementos previos sobre as materias.

Os tres cursos que se presentan o mércores son Contabilidade, práctica contable e análise de balances; Xestión laboral e contratación, e Fiscalidade para a pyme. O obxectivo é facilitar ao alumno as ferramentas e coñecementos para a xestión das obrigas fiscais, laborais e contables dunha empresa, de modo que ao finalizar o programa os asistentes estean capacitados para levar a xestión do negocio e mesmo asesorar clientes nestas cuestións.  Os programas, bonificables a través da Fundación Tripartita, están dirixidos a traballadores de pequenas e medianas empresas, ademais de administrativos, avogados, graduados sociais, xestores e economistas, estean en activo ou desempregados.

Os tres cursos son o froito dunha iniciativa na que participan, ademais da Cámara de Comercio, o centro de innovación e estudios empresariais, o Colexio de Economistas de Ourense, o Colexio de Avogados de Ourense, e a sinatura Informática.